Таниқли журналист, спорт шарҳловчиси Даврон Файзиев ўзининг "Telegram" саҳифасида Сенегал терма жамоаси ва "Ливерпуль" клуби аъзоси Садио Мане ҳақида фикр билдирди.
"Кеча Африка кубоги яримфиналида Сенегал 3:1 ҳисобида Буркина-Фасо устидан ғалаба қозониб финалга чиқди. Сенегал лидери Садио Мане гол урди, турнирда учинчиси. Яна иккита ассист бор. Кубокни ютадими билмадиму, лекин Мане чемпионатнинг бош қаҳрамони бўлиши мумкин.
У Камерунга яримфинал ўйинига келиши учун 50 нафар мухлиснинг сарф-ҳаражатларини тўлаб берган. Финалда эса янада кўпроқ мухлисни таклиф этмоқчи. Ажойиб. Футбол мухлислар учун ва Садио уларнинг камида элликтасига унутилмас байрам тақдим этди. Мане чемпион!
Бугун иккинчи яримфиналда мезбон Камерун ва Миср ўзаро ўйнайди. Агар Кейруш бошчилигидаги Миср ғолиб чиқса, "Ливерпуль" ҳужумчилари Салоҳ ва Мане финалда бир-бирига қарши чиқади", - деб ёзди Файзиев.
