90min нашри хабарига кўра, Пауло Дибаланинг вакиллари ўз мижозини Премьер-лига клубига ўтишини истамоқда. Шу мақсадда футболчининг агенти АПЛнинг деярли барча гигантлари билан музокара ўтказмоқда. Гап Манчестернинг икки клуби, «Тоттенхэм» «Ливерпуль», «Челси» ва яна бир қанча Премьер-лига клублари ҳақида кетмоқда.

Манбанинг таъкидлашича, Дибала қайси жамоага ўтиши борасида қарор қабул қилгани йўқ. У юқоридаги йирик клубларнинг исталгани билан шартнома имзолаши мумкин.

Бир неча йил олдин аргентиналик футболчи «Тоттенхэм»га ўтиши мумкин эди, аммо бу битим маълум сабабларга кўра амалга ошмаган.