"Ювентус" ҳужумчиси Пауло Дибаланинг шартномаси мавсум охирида тугайди, шунинг учун унинг хизматлари АПЛнинг бир қатор клубларига таклиф қилинган.
Манбага кўра, ушбу клублар рўйхатига "Манчестер Сити" ва "Манчестер Юнайтед", "Арсенал", "Челси", "Тоттенхэм" ва "Ливерпуль" киради.
Олдинроқ Италия клуби 28 ёшли футболчи учун янги шартнома таклифини молиявий жиҳатдан жуда катта деб ҳисоблаб, қайтариб олгани хабар қилинганди. Бу Дибалага ёқмади. Дибаланинг шартномаси мавсум охирида тугайди.
Жорий мавсумда аргентиналик футболчи 23та ўйинда 11та гол урди ва 4та голли узатмани амалга оширди.
