Милан"га қарши баҳсда ўз жамоасини сардор сифатида майдонга бошлаб тушган "Барселона" ҳимоячиси Карлес Пуйол, ўзи учун жуда муҳим ва тарихга айланган натижани қайд этди.
Пуйол кеча оқшом "Барселона" сафида ўзининг 550-учрашувида майдонга тушди жамоанинг ўтмишдаги афсонавий футболчиларидан бири Мигелининг рекордини янгилади.
Шундай қилиб, каталонияликлар сардори бу борада клуб тарихида, жамоа сафида энг кўп учрашув ўтказган футболчилар орасида 2-ўринга чиқиб олди. Бу борадаги рекорд эса, ҳаммангизга маълумки Пуйолнинг жамоадоши Хавига тегишли. Хави кечаги учрашувда 618-марта "Барса" сафида майдонга тушди.
"Бу мен учун катта шараф. Сабаби Мигели барча каталониялик футболчиларнинг кумири саналади, жумладан менинг ҳам. Унинг рекордини янглиаганимдан бошим кўкка етди", дейди маҳоратли ҳимоячи.
Каталонияликлас сардори шунингдек, жамоадоши Хавининг рекордини янгилашнинг иложи йўқлигини таъкидлади.
"Мен ҳали "Барселона" либосида яна кўплаб учрашувларда майдонга тушишни ният қилганман. Ўйлайманки, жамоа сафида ҳали кўплаб ютуқларни қўлга киритаман. Хавининг рекорди? - Менимча унинг рекордини янгилай олмасам керак, бунинг имкони йўқ", дея Пуйолнинг сўзларидан парча келтирди каталонияликлар расмий сайти.
