“TodoFichajes” нашри маълумотларига кўра, “Ювентус” Моратани мавсум охирида тўлиқ сотиб олиш ҳақида ўйламоқда. Турин клуби испан футболчисига бир қанча клублар қизиқиш билдираётганига қарамай, Алварони ўз сафида сақлаб қолишдан умидвор.

Аллегри бу масалани муҳокама қилиш учун спорт директори билан бир нечта учрашувлар ўтказди ва мураббий футболчини тўлиқ трансферини истамоқда.

Аммо, “Ювентус” “Атлетико”  билан келишувда кўрсатилган 35 миллион еврони тўлаш ниятида эмас. Турин клуби футболчи учун 18 миллион евродан кўп тўламасликларини билдиришган. 

Мадрид клуби бу борада ҳали бир қарорга келгани йўқ, аммо улар Моратани мавсум сўнггида сотиб юборишни режа қилган. Чунки, футболчи Симеоненинг режаларига киритилмаган.