“TodoFichajes” нашри хабарига кўра, “Барселона” ҳужумчиси Усмон Дембеле мавсум охирида эркин агент сифатида Лондоннинг “Челси” клубига ўтади. Маълум бўлишича, французнинг “Челси” билан шахсий келишувга эришган.

Инглиз клуби январь ойидаги трансфер ойнасида Усмонни сотиб олмоқчи эди, аммо  якунда Лондон ва Каталония клуби раҳбарияти келишувга эриша олмади.

Франциялик футболчи Дортмунддаги фаолияти давомида Тухель билан бирга ишлаган. Шу сабаб, немис мураббийи собиқ шогирдини ўз таркибига жалб қилмоқда.

ПСЖ ва “Тоттенхэм”дан ҳам таклифлар бўлишига қарамай, футболчи “Стемфорд Бриж” эгалари сафига ўтишни истамоқда.