“TodoFichajes” nashri xabariga ko‘ra, “Barselona” hujumchisi Usmon Dembele mavsum oxirida erkin agent sifatida Londonning “Chelsi” klubiga o‘tadi. Ma’lum bo‘lishicha, fransuzning “Chelsi” bilan shaxsiy kelishuvga erishgan.

Ingliz klubi yanvar oyidagi transfer oynasida Usmonni sotib olmoqchi edi, ammo  yakunda London va Kataloniya klubi rahbariyati kelishuvga erisha olmadi.

Fransiyalik futbolchi Dortmunddagi faoliyati davomida Tuxel bilan birga ishlagan. Shu sabab, nemis murabbiyi sobiq shogirdini o‘z tarkibiga jalb qilmoqda.

PSJ va “Tottenxem”dan ham takliflar bo‘lishiga qaramay, futbolchi “Stemford Brij” egalari safiga o‘tishni istamoqda.