Италиянинг «Венеция» клуби вингери Нани янги клубидаги асосий вазифасини айтди.
«Аввало, шуни таъкидлайманки, мен илгари ҳеч қачон жамоам омон қолиши учун курашмаганман. Мен буни осон ва чиройли деб айта олмайман, лекин бу менга ажойиб мотивация беради.
Жамоадаги асосий вазифам юлдуз бўлиш эмас, балки ёшроқ ва албатта Анри, Жонсен, Окереке ва бошқалар каби иқтидорли йигитларнинг ўйнаши ва очилишига ёрдам бериш.
Мавсум олдидан ўйинларни ўтказиб юборганимни тушунаман ва мен энг яхши формада эмасман, лекин кундан-кунга ўсиб бормоқдаман.
Бундан ташқари, тажрибамга ишонинг, мен билан бирга ишлаётган йигитлар ҳам ҳозиргидан кўра кўпроқ нарсага қодир эканликларини кўраман», - дея футболчининг сўзларини келтиради Calciomercato.