Туриннинг «Ювентус» клуби ҳужумчиси Пауло Дибала мавсум якунида жамоасини тарк этиши ойдинлашиб бормоқда. Қайд этилишича, футболчининг агенти шу ойда клуб раҳбарияти билан ўзаро шартномани бекор қилиши мумкин.
Эслатиб ўтамиз, аввалроқ Дибала «Ювентус» билан йиллик маоши 10 миллион евро бўлган янги шартнома борасида келишиб олган эди. Бироқ кейинроқ «бьянконерилар» раҳбарияти агент билан музокаралардан сўнг ўз таклифини қайтариб олди.
Football Italia хабарига кўра, Дибалани жамоасига эркин агент сифатида таклиф қилиш учун асосий даъвогар «Интер» ҳисобланади.
