Ўтган ҳафта қайд этилган нурсиз дурангдан сўнг, "Камп Ноу"да эришилган ғалаба ҳақида гапирар экан "Барселона" футболчиси Маскерано жамоасининг ажойиб ўйин кўрсатганлигини алоҳида таъкидлади.
"Умуман олган, биз гол ўтказиб юборилган вазиятдан ташқари бутун ўйин давомида ажойиб ўйин кўрсатдик. Ўйин бундан ҳам бошқачароқ ҳисобда якунланиши мумкин эди", деди Маскерано.
"Бу мураббийимиз бизни жамоага қай даражада тайёрлай олганидан далолат. Биз жуда кўп имкониятларга эга бўлдик ва бизда гол киритишимиз учун кўплаб имкониятлар бўлди. Биз ўйинни 3-4-3 тактикаси билан бошладик, чунки, бизга бўш ҳудудлар ҳосил қилиш учун марказда кўпроқ футболчилар зарур эди ва "Милан"нинг яхши ҳимоялана олишини олдиндан билардик", - дея таъкидлади "Барселона" клуби ҳимоячиси.
Маскеранонинг фикрича, ярим финалда "Барселона"га қайси жамоанинг рақиб бўлиши аҳамиятсиз ва клуб футболчилари ҳар қандай рақиб билан ўйнашга тайёр: "Умид қиламанки биз 4 йил ичидаги учинчи финал ўйинимизда иштирок этамиз. Бунинг учун бизда ажойиб жамоа ва энг зўр футболчилар етарли, - деди Маскерано. - Биз руҳан кучли бўлишимиз зарур. Ярим финалда ким билан ўйнашимиздан қатъи назар, улар билан баҳслашиш биз учун осон бўлмайди, зеро, ярим финалгача етиб келишнинг ўзи уларнинг кучини кўрсатиб турибди. Мен ҳеч бир жамоани алоҳида кўрсата олмайман".
