Бизни шу дам олиш кунлари Италия А Сериясининг 24-туридан ўрин олган "Милан дербиси" кутмоқда, келаси дам олиш кунлари эса Миланнинг «Интер» клуби ҳам муҳим ўйинни «Наполи»га қарши сафарда ўтказади.

Симоне Индзаги жамоаси кескин қарама-қаршиликларга киришди, чунки, "Интер" мухлислари ўз суюклиларини "Диего Армандо Марадона стадионида" қўллаб-қувватлашга умид қилаётганди, аммо Неапол раҳбарияти бу режаларга қарши чиқди.

Неапол маъмурий маркази префекти Клаудио Паломбанинг қарорига кўра, «Интер» мухлислари трибуналарга кира олмайди, чунки «клублар ўртасидаги рақобат билан боғлиқ оммавий тўқнашувлар хавфи юқори».

Паломба 2018 йилнинг 26 декабрида Миланда бўлиб ўтган ўйин вақтида «нерадзуррилар» мухлиси стадион ташқарисида ўлдирилган ва кейинчалик Италия футболида жиддий норозиликларга сабаб бўлган воқеага ишора қилади.

Паломба нафақат «Интер» мухлислари учун Неаполдаги стадион трибуналарига чипталар сотишни тақиқлади, балки "Интер" клубидан Ломбардияда яшовчи «Наполи» мухлисларига нисбатан ҳам шундай қилишни сўради.