"Навбаҳор" Туркияга жўнаб кетди

Бугун эрталаб “Навбаҳор” жамоаси аъзоларидан иборат делегация Тошкент – Анталия йўналиши бўйича чартер рейс самолётида навбатдаги ўқув-машғулот йиғинини ўтказиш учун Туркияга жўнаб кетди.

Жамоамиз аъзолари билан биргаликда ушбу чартер рейсда “Пахтакор”, АГМК ва “Бунёдкор” клублари делегацияси аъзолари ҳам Анталияга йўл олишди ҳамда бугун кечки пайт манзилга етиб боришди.

“Лочинлар” Туркияда 20 февралгача бўлиб, мазкур йиғин доирасида хориж жамоалари билан 4 та назорат-синов баҳслари ўтказишни режалаштиришган. Бўлажак ўртоқлик ўйинларида Самвел Бабаян шогирдларига  Қозоғистоннинг “Акжайик” (Уральск, 8 февраль) ва “Қайрат” (Алмати, 12 февраль), Россиянинг “Химки” (Химки, 16 февраль) ҳамда “Арсенал” (Тула, 19 февраль) клублари рақиблик қилади.

Биз Туркиядаги йиғинда футболчиларга куч-қувват, бўлажак баҳсларда эса омад ёр бўлишини тилаймиз.