Ҳиндистоннинг «Салгокар» жамоаси бош мураббийи Карим Беншерифа, Иорданиянинг «Ал-Виҳдат» жамоасига қарши ОФК Кубоги гуруҳ босқичи учрашувидан сўнг, рақибдан бундай ўйин кутмаганини тан олди.
«Ал-Виҳдат» – «Салгокар» учрашуви 5:0 ҳисобида Иордания клуби фойдасига ҳал бўлди. Гуруҳнинг иккинчи ўйинида эса Фарғонанинг «Нефтчи» жамоаси ўз майдонида Уммоннинг «Ал-Уруба» клубини 3:1 ҳисобида мағлуб этган эди.
«Мен, «Ал-Виҳдат»нинг сўнгги учрашувларидан келиб чиқиб, бугун улардан бундай ўйинни кутмагандим. Жамоа тартибли ўйин намойиш этди, бизга катта муаммоларни келтириб чиқарди ва ҳақли равишда ғалаба қозонди», деди «Салгокар» устози.
«Ҳужум чизиғимизда бир қатор муаммолар бор, мисол учун, ҳужумчиларимиз юқоридан келаётган тўпларни қабул қилиб олиш учун етарли даражада баланд эмас», деди Беншерифа.
«Ал-Виҳдат»да тажриба ва яхши футболчилар бор. Бугунги мағлубият учун жавобгарликни эса мен ўз бўйнимга оламан», дея қўшимча қилди Ҳиндистоннинг «Салгокар» жамоаси бош мураббийи Карим Беншерифа.













