Дортмунднинг “Боруссия” клуби Германия Бундеслигасининг 21-тури доирасидаги ўйинда “Байер”га имкониятни бой берди. Дортмунддаги “Сигнал Идуна Парк” стадионида бўлиб ўтган учрашув 5:2 ҳисобида меҳмонлар фойдасига ҳал бўлди.

“Байер”нинг голларига Флориан Вирц, Роберт Андрич, Жонатан Та ва Мусса Диаби муаллифлик қилди. “Боруссия” ҳимоячиси Мануэль Аканжи яна бир тўпни ўз дарвозасига уриб қўйди. Мезбонлар ҳам бир марта ўз дарвозасига гол уриб қўйган бўлса (Жереми Фримпонг), Стеффен Тиггес “асаларилар”нинг иккинчи голига муаллфилик қилишди.

Бундеслига турнир жадвалида Дортмунднинг “Боруссия”си 43 очко билан иккинчи ўринда бўлса, “Байер” ҳисобидаги очколар 38 тага етди ва  учинчи ўринни эгаллади.

“Боруссия Д” – “Байер” — 2:5 (1:3, 1:2)

Голлар: 0:1 – 10, автогол Аканжи, 1:1 – 16, автогол Фримпонг, 1:2 – 20 Виртц, 1:3 – 28 Андрих, 1:4 – 53 Та, 1:5 – 87 Диаби, 2:5 – 89 Тиггес.

“Боруссия Д” – Кобель, Менье (Вольф, 46), Аканджи, Загаду, Геррейру, Брандт, Дауд, Беллингем, Азар (Рейна, 61), Ройс (Тиггес, 85), Мален (Мукоко, 79).

“Байер” – Грилль, Фримпонг (Фосу-Менса, 88), Та, Инкапиэ, Баккер, Демирбай, Андрих, Бельараби (Коссуну, 68), Шик (Аларио, 81), Диаби (Адли, 89), Виртц (Арангис, 81).

Огоҳлантиришлар: Дауд (26), Бельараби (46).