Бугун «Наполи» сафарда А серия аутсайдери «Венеция» устидан ғалаба қозонишга муваффақ бўлди ва шу тариқа чемпионлик пойгасига қайтди. Жамоа бош мураббийи Лучиано Спалетти ўз шогирдларининг ўйинидан мамнун эканлиги ва А сериядаги чемпионлик пойгаси ҳақида гапирди.
«Бундай ғалаба бизга тажриба ва ишонч бағишлайди. Яхши натижалар учун курашни давом эттирамиз. Биз рақобатчиларнинг қоқилишигаумид қилмаймиз, «Наполи»нинг ўз йўли бор. Биз кучли ўйин эвазига қўлга киритилган муҳим уч очко билан уйимизга қайтяпмиз ва бу чемпионлик пойгаси учун муҳим», - деди Спаллетти ўйиндан кейинги матбуот анжуманида.
Қайд этиш жоиз, неаполликлар «Милан»га очколар сони бўйича етиб олди. Иккала клуб ҳисобида ҳам 52 очкодан бор. «Интер» 53 очко билан биринчи ўринда бормоқда, аммо «нерадзуррилар» ҳисобида битта ўтказилмаган ўйин бор.
