Bugun «Napoli» safarda A seriya autsayderi «Venesiya» ustidan g‘alaba qozonishga muvaffaq bo‘ldi va shu tariqa chempionlik poygasiga qaytdi. Jamoa bosh murabbiyi Luchiano Spaletti o‘z shogirdlarining o‘yinidan mamnun ekanligi va A seriyadagi chempionlik poygasi haqida gapirdi.
«Bunday g‘alaba bizga tajriba va ishonch bag‘ishlaydi. Yaxshi natijalar uchun kurashni davom ettiramiz. Biz raqobatchilarning qoqilishigaumid qilmaymiz, «Napoli»ning o‘z yo‘li bor. Biz kuchli o‘yin evaziga qo‘lga kiritilgan muhim uch ochko bilan uyimizga qaytyapmiz va bu chempionlik poygasi uchun muhim», - dedi Spalletti o‘yindan keyingi matbuot anjumanida.
Qayd etish joiz, neapolliklar «Milan»ga ochkolar soni bo‘yicha yetib oldi. Ikkala klub hisobida ham 52 ochkodan bor. «Inter» 53 ochko bilan birinchi o‘rinda bormoqda, ammo «neradzurrilar» hisobida bitta o‘tkazilmagan o‘yin bor.
