Футзал бўйича Еврпоа чемпионатига якуни ясалди. Финалда Россия ва Португалия терма жамоалари ўзаро тўқнаш келишди.

Руслар учрашувни фаол бошлаб, биринчи бўлимнинг ўзида 2та гол уришга муваффақ бўлишди. Португалия эса танаффусга қадар ҳисобни биттага қисқартирди.

Иккинчи бўлимда ўйинни россияликлар назорат қилишаётганди. Тайм ўрталарида португалияликлар ён чизиқдан дарвоза томон тўғридан-тўғри зарба беришди. Тўп эса Путиловнинг оёғига тегиб, дарвозага кириб кетди.

Шундан сўнг ўйин тенглашди. Аммо португалияликлар орадан 4 дақиқа рақиб дарвозаси олдидан яхши комбинация ташкил этишди ва учинчи голни уришди.

Қолган дақиқаларда устунлик руслар томонига ўтди. Улар кўпроқ босим уюштиришди. Сўнгги дақиқаларда бешинчи ўйинчи тактикасидан фойдаланишди. Португалиялик посбон хавфли зарбани қайтаришга муваффақ бўлди. Сўнгги сонияларда эса Россия тўпни йўқотди ва баҳс тугашига бир сония қолганида Португалия тўртинчи тўпни рақиб дарвозасига киритди.

Шу тариқа, 2021 йилнинг сентябрь ойида Жаҳон чемпионлигини қўлга киритган Португалия, иккинчи марта Европа чемпионлигига эга чиқди.

Футзал бўйича Европа чемпионати, финал
ПОРТУГАЛИЯ - РОССИЯ - 4:2 (1:2)
Голлар: Пако (19), Коэльо (28, 32) — Соколов (10), Афанасьев (13)