Futzal bo‘yicha Yevrpoa chempionatiga yakuni yasaldi. Finalda Rossiya va Portugaliya terma jamoalari o‘zaro to‘qnash kelishdi.

Ruslar uchrashuvni faol boshlab, birinchi bo‘limning o‘zida 2ta gol urishga muvaffaq bo‘lishdi. Portugaliya esa tanaffusga qadar hisobni bittaga qisqartirdi.

Ikkinchi bo‘limda o‘yinni rossiyaliklar nazorat qilishayotgandi. Taym o‘rtalarida portugaliyaliklar yon chiziqdan darvoza tomon to‘g‘ridan-to‘g‘ri zarba berishdi. To‘p esa Putilovning oyog‘iga tegib, darvozaga kirib ketdi.

Shundan so‘ng o‘yin tenglashdi. Ammo portugaliyaliklar oradan 4 daqiqa raqib darvozasi oldidan yaxshi kombinasiya tashkil etishdi va uchinchi golni urishdi.

Qolgan daqiqalarda ustunlik ruslar tomoniga o‘tdi. Ular ko‘proq bosim uyushtirishdi. So‘nggi daqiqalarda beshinchi o‘yinchi taktikasidan foydalanishdi. Portugaliyalik posbon xavfli zarbani qaytarishga muvaffaq bo‘ldi. So‘nggi soniyalarda esa Rossiya to‘pni yo‘qotdi va bahs tugashiga bir soniya qolganida Portugaliya to‘rtinchi to‘pni raqib darvozasiga kiritdi.

Shu tariqa, 2021 yilning sentyabr oyida Jahon chempionligini qo‘lga kiritgan Portugaliya, ikkinchi marta Yevropa chempionligiga ega chiqdi.

Futzal bo‘yicha Yevropa chempionati, final
PORTUGALIYA - ROSSIYA - 4:2 (1:2)
Gollar: Pako (19), Koelyo (28, 32) — Sokolov (10), Afanasyev (13)