Наманганнинг "Навбаҳор" клуби сардори бўлиб мавсумни бошлаган Санжар Асқаралиев ўтган мавсумда наманганликлар сафида тўп сурган Отабек Валижонов билан муштлашиб кетган. Бу ҳақда "Шўртан" клуби расмий твиттери хабар тарқатмоқда.
«Санжар Асқаралиев Ғузордаги шармандали мағлубиятдан сўнг, Отабек Валижонов билан Наманганда муштлашишгача борди», деб ёзмоқда расмий манбада.
Эслатиб ўтамиз, учрашувда "Шўртан" 4:0 ҳисобида ғалаба қозонган, Санжар Асқаралиев эса ҳакам томонидан қизил карточкага "лойиқ" кўрилганди.
Ҳозирча ушбу жанжалнинг нима сабабдан келиб чиққани борасида маълумотлар берилмаган.