«Ювентус» ҳужумчиси Душан Влахович «бьянконерилар» сафида дебют қилди. Кеча сербиялик тўпурар туринликларнинг «Верона»ни мағлуб этишига катта ёрдам берди. Ўйиндан сўнг у ўз фикрлари билан ўртоқлашди.
«Ушбу ўйинда ғалаба қозониш жуда муҳим эди, чунки танаффусдан кейин ҳамиша қийин бўлган, ҳатто руҳий жиҳатдан ҳам. Биз бу жангга тўғри ёндашдик ва якунда энг муҳим ишни – ғалаба қозонишни уддаладик.
Мени жуда яхши кутиб олган ва катта ёрдам берган жамоадошларим ва мураббийга раҳмат айтаман. Мен бу клубда ҳаммаси қандай кечаётганини тушунишга ҳаракат қиламан. Мен шунчаки кўпроқ ва кўпроқ ишлашда давом этишим керак», - дейди Влахович.
