"Болтон" яримҳимоячиси Фабрис Муамба ўзи ётган палатада мустақил юра бошлади. Ҳозир футболчи юрак хуружидан сўнг тикланиш курсини ўтамоқда.
"Мен уни кўргани борганимда, Фабрис ўрнидан турди ва палатасидаги стул ёнига бориб, ўтирди. Унинг аҳволи яхшиланиб бормоқда, бу бизни хурсанд қилмоқда", - дейди "Болтон" бош мураббийи Оуэн Койл The Telegraphга берган интервьюсида.
Эслатиб ўтамиз, Муамба Англия кубоги 1/4 финалида "Тоттенҳем"га қарши бўлиб ўтган ўйинда юрак хуружига учраган эди.