Кеча А сериянинг навбатдаги учрашуви доирасида «Ювентус» «Верона»ни 2:0 ҳисобида мағлуб этди. Ўша баҳсда Кьеллини ва де Лигт жуфтлигининг мукаммал ўйин туфайли ҳимоя чизиғи деярли хато қилмади.
Бутун ўйин давомида трибуналардан бу футболчиларга кўплаб мақтовлар янгради, хусусан, мухлислар голландиялик футболчига: «Кетманг! Де Лигт», - дея бақиришди.
Эслатиб ўтамиз, Европанинг топ-клублари Маттейсга (биринчи навбатда, «Челси») қизиқиш билдиргани ҳақида кўплаб миш-мишлар бор. Шуни ҳисобга олсак, туринликлар ёзда Де Лигт учун фойдали таклиф билан чиқишлари мумкин.
