"Лейпциг" бошқарувчи директори Оливер Минцлаффнинг айтишича, ярим ҳимоячи Кристофер Нкунку 2023 йилнинг ёзигача жамоада қолади.
"Нкунку кейинги мавсумда ҳам бизнинг сафимизда ўйнайди, чунки у жамоамиз учун жуда муҳим футболчи. Албатта, футболда олдиндан нимадир бўлади, дейиш қийин, лекин ҳеч бўлмаганда биз уни 2023 йилгача таркибимизда сақлаб қолмоқчимиз", - деди Минцлафф "Sky Germany" нашрига берган интервьюсида.
Жорий мавсум Нкунку "Лейпциг" сафида 30 ўйинда майдонга тушиб, 18 гол ва 13 голли узатмани амалга оширди. "Трансфермаркт" портали уни 55 миллион еврога баҳолаган.
