"Манчестер Сити" бош мураббийи Хосеп Гвардиола Кайл Уокер, Жек Грилиш ва Рияд Махрезларнинг барга борганлари ва маст ҳолатда бўлганликлари ҳақидаги гапларга жавоб қайтарди.
“Мени бу зиёфатга таклиф қилишмагани учун жуда хафа бўлдим. Бу менга ёқмади, умид қиламанки, кейинги сафар мени таклиф қилишайди.
Мен бардаги видеоларни кўрдим ва у ерда нима бўлганини айта олмайман. Улар маст бўлган деб айтиш мумкин эмас. Йигитлар бирга кечки овқат танаввул қилишган. Лекин улар айрим қоидалар бузилгани учун жаримага тортилади”, - дейди Гвардиола.
