"Манчестер Юнайтед" бош мураббийи Ральф Рангникнинг фикрича, ҳар қандай келишмовчиликни ижтимоий тармоқларда эмас, балки шахсан ҳал қилиб олиш яхшироқ.
“Мен ҳеч қачон ижтимоий тармоқларни ўқимайман ва бошқалар билан мулоқот қилмайман, мен ижтимоий тармоқлар оламида мавжуд эмасман.
Бунга вақтим ҳам йўқ. Шундай экан, ҳаммасини жамоа ичида ҳал қилган маъқул ва мен доим футболчилар билан бевосита мулоқотда бўламан.
Марсьяль ва Лингард билан ҳам шундай бўлди. Лекин, эҳтимол, мен бошқача характерга эгадирман.
Менинг давримда бундай нарсалар бўлмаган. Ҳатто мобил телефонлар ҳам, интернет ҳам бўлмаган кунларни эслайман.
Мен иккала ҳолатда ҳам ўйинчиларга нима деганимни биламан, шунинг учун бу ҳақда кейинроқ муҳокама қилишдан маъно кўрмаяпман", дейди Рангник.