"Manchester Yunayted" bosh murabbiyi Ralf Rangnikning fikricha, har qanday kelishmovchilikni ijtimoiy tarmoqlarda emas, balki shaxsan hal qilib olish yaxshiroq.
“Men hech qachon ijtimoiy tarmoqlarni o‘qimayman va boshqalar bilan muloqot qilmayman, men ijtimoiy tarmoqlar olamida mavjud emasman.
Bunga vaqtim ham yo‘q. Shunday ekan, hammasini jamoa ichida hal qilgan ma’qul va men doim futbolchilar bilan bevosita muloqotda bo‘laman.
Marsyal va Lingard bilan ham shunday bo‘ldi. Lekin, ehtimol, men boshqacha xarakterga egadirman.
Mening davrimda bunday narsalar bo‘lmagan. Hatto mobil telefonlar ham, internet ham bo‘lmagan kunlarni eslayman.
Men ikkala holatda ham o‘yinchilarga nima deganimni bilaman, shuning uchun bu haqda keyinroq muhokama qilishdan ma’no ko‘rmayapman", deydi Rangnik.