“Реал” ярим ҳимоячиси Каземиро сўнгги йиллардаги муваффақиятли даврларни эслади.
“Кетма-кет уч марта Чемпионлар лигасида ғалаба қозонганмиз. Бу ажойиб даврлар эди. Зиданнинг тайинланиши муҳим омил бўлди, лекин бизда шунчалик кўп юлдузлар, кўплаб ажойиб ўйинчилар бор эдики, ҳаммасини Зидан сабабли бўлди дейиш адолатдан бўлмайди.
BBC (“Бэйл, Бензема, Криштиану”нинг қисқартмаси) каби ҳужумчиларимиз ақл бовар қилмайдиган нарсаларни амалга оширишган. Ярим ҳимоячи чизиғи ҳам ажойиб ўйинлар кўрсатган. Ҳимояда Карвахал, Марсело, Варан ва Серхио Рамос бор эди. Дарвозани Кейлор Навас ишончли тарзда ҳимоя қилган...
Улар ҳозир қаерда? Бу ажойиб жамоа эди”, - деди Каземиро.
