Англия Премьер-лигасининг 24-туридан ўрин олган баҳсда “Манчестер Юнайтед” сафарда “Бёрнли” билан дуранг ўйнади (1:1).

Учрашувнинг 18-дақиқасида “қизил иблислар” ярим ҳимоячиси Поль Погба ўйиндаги ҳисобни очди ва 2021-йил январидан бери АПЛдаги илк голини урди. Бироқ 48-дақиқада “Бёрнли” ҳужумчиси Жей Родригес ҳисобни тенглаштиришга муваффақ бўлди. Учрашув якунига қадар жамоалар бошқа гол ура олишмади - 1:1.

“Манчестер Юнайтед” айни пайтда 39 очко билан турнир жадвалида 4-ўринда, “Бёрнли” эса 14 очко билан 20-ўринда бормоқда.

“Бёрнли” — “Манчестер Юнайтед” – 1:1

Голлар: 0:1 – 18 Погба, 1:1 – 47 Родригес.

“Бёрнли” – Поуп, Робертс, Ми, Тарковски, Питерс, Вествуд, Браунхилл, Макнил, Родригес (Барнс, 88), Вегорст, Корне (Леннон, 69).

“Манчестер Юнайтед” – Де Хеа, Диогу Далот, Варан, Магуайр, Шоу, Погба, Бруну Фернандеш, Мактомини (Лингард, 80), Кавани (Роналду, 68), Рэшфорд (Эланга, 85), Санчо.

Огоҳлантиришлар: Магуайр (62), Питерс (74), Браунхилл (77).