Италия кубогининг 1/4 финали доирасидаги ўйинда “Интер” ўз майдонида “Рома”ни қабул қилди. Миландаги “Сан-Сиро” стадионида бўлиб ўтган учрашув мезбонларнинг 2:0 ҳисобидаги ғалабаси билан якунланди.
Учрашувнинг 2-дақиқасидаёқ ҳисоб очилди. “Интер” ҳужумчиси Эдин Жеко ўз номини таблога ёздириб қўйди. 68-дақиқада миланликлар ҳужумчиси Алексис Санчес навбатдаги голни уриб, учрашувнинг якуний натижасини ўрнатди.
Шу тариқа, “Интер” Италия кубоги ярим финалига чиқди, “Рома” эса турнирдаги ўйинини якунлади. Милан клуби 1/2 финалда “Милан” – “Лацио” жуфтлиги ғолиби билан ўйнайди. Туриннинг “Ювентус” клуби Италия кубогининг амалдаги соҳиби ҳисобланади.
Италия Кубоги
1/4 финал баҳси
“Интер” — “Рома” – 2:0
Голлар: 1:0 – 2 Жеко, 2:0 – 68 Санчес.
“Интер”: Ҳанданович, Дармиан, ДъАмброзио, Шкриньяр, Бастони (де Врей, 45), Перишич (Дюмфрис, 85), Видаль (Весино, 85), Брозович, Барелла (Чалхонўғлу, 85), Жеко (Мартинес, 76), Санчес.
“Рома”: Руй Патрисиу, Карсдорп, Смоллинг, Манчини, Рожер (Кумбула, 46), Виня (эл-Шаарави, 76), Мхитарян, Сержиу Оливейра (Пеллегрини, 70), Верету (Кристанте, 70), Заниоло, Абраҳам (Афена-Гьян, 89).
Огоҳалнтиришлар: Заниоло (37), Манчини (38).
