Aфсонавий Диего Марадона ўз фаолиятини шу ерда якунлади, Лионель Месси эса шу ерда бошлади.
Гап Аргентинанинг "Ньюэллс Бойз" ҳақида кетмоқда. Аргентиналик икки футбол афсонаси ҳам 10-рақамли футболкада ўйнашган, аммо энди бунга бошқа Месси даъво қилмоқда - Хоакин Месси. "Ҳақиқий Месси"га умуман алоқаси йўқ, қариндош ҳам эмас, шунчаки фамилиядош. У 19 ёшда ва Либертадорес кубогида "Ньюэллс Бойз" жамоасида ўйнамоқда.
- Кўпчилик мендан Лионелнинг қариндоши эканлигимни сўрашади. Йўқ, бу шунчаки тасодиф. Шаҳримизда Месси фамилиясига эга бўлган оилалар кўп. Лекин мен ҳам у каби фаолиятимни "Ньюэллс Бойз"да бошлаганман ва энди жамоанинг 10-рақамли либосида ўйнаяпман”, - Хоакин Мессининг сўзларидан иқтибос келтирмоқла El Mundo Deportivo.
Ким билади дейсиз, балки бу икки Месси тез орада "Ньюеллс Бойз"да учрашишар, чунки Лионель фаолиятини ушбу клубда якунлаш ниятида эканлигини яширмайди.
