Afsonaviy Diyego Maradona o‘z faoliyatini shu yerda yakunladi, Lionel Messi esa shu yerda boshladi.
Gap Argentinaning "Nyuells Boyz" haqida ketmoqda. Argentinalik ikki futbol afsonasi ham 10-raqamli futbolkada o‘ynashgan, ammo endi bunga boshqa Messi da’vo qilmoqda - Xoakin Messi. "Haqiqiy Messi"ga umuman aloqasi yo‘q, qarindosh ham emas, shunchaki familiyadosh. U 19 yoshda va Libertadores kubogida "Nyuells Boyz" jamoasida o‘ynamoqda.
- Ko‘pchilik mendan Lionelning qarindoshi ekanligimni so‘rashadi. Yo‘q, bu shunchaki tasodif. Shahrimizda Messi familiyasiga ega bo‘lgan oilalar ko‘p. Lekin men ham u kabi faoliyatimni "Nyuells Boyz"da boshlaganman va endi jamoaning 10-raqamli libosida o‘ynayapman”, - Xoakin Messining so‘zlaridan iqtibos keltirmoqla El Mundo Deportivo.
Kim biladi deysiz, balki bu ikki Messi tez orada "Nyuyells Boyz"da uchrashishar, chunki Lionel faoliyatini ushbu klubda yakunlash niyatida ekanligini yashirmaydi.
