“Пахтакор” фан клуби ЖАР стадионида клуб раҳбариятига қарши кўтарилган баннерни қоралаб чиқди. Фан клубга тегишли 12-sector.uz сайтида қўйидагилар ёзилган: 

“Куни кеча «ЖАР» стадионида клубимиз раҳбари номига кўрсатилган баннер, фан клубнинг ишига қарши ва ўзлари учун янги гуруҳ тузиб олмоқчи бўлган кишилар номидан ишлаб чиқилган экан. Уларниг мақсади нима эди билмадик. Хозир улар билан ички ишлар ходимлари шуғулланишяпти. Алам қиладигани бизни байрам кайфиятимизни бузишди. Шахсан биз клуб раҳбарларига ишонамиз. Академиямиз ва бошқалар айнан шуларнинг шарофати билан гулламоқда”

Эслатиб ўтамиз, ОЧЛ доирасидаги “Пахтакор” – “Ал Араби” ўйинида учрашувга ташриф буюрган бир қатор мухлислар “Бабаян, в отставку” деб ёзилган баннерни кўтариб чиқишганди.