"Реал" ярим ҳимоячиси Лука Модрич Испания чемпионати 23-туридан ўрин олган "Гранада"га қарши ўйинда (1:0) асосий таркибда майдонга тушди.
Хорватиялик футболчи бу ўйин орқали Ла Лигада ўтказган ўйинлар сонини 282 тага етказиб олди ва "қироллик клуби"нинг афсонавий ҳужумчиси Альфредо Ди Стефанога етиб олди (282 ўйин).
36 ёшли хорват яқин орада Хуанито (284 ўйин) ва Криштиану Роналдудан (292 ўйин) ўзиб кетиши кутилмоқда.
Эслатиб ўтамиз, Модричнинг "Реал" билан амалдаги шартномаси жорий мавсум якунида нихоясига етади. Томонлар уни бир йилга узайтириш бўйича музокаралар олиб бормоқда.
