"Блауграна"лар бош мураббийи Хосеп Гвардиола Жозе Моуриньонинг Каталония клуби финалга йўлланмани нақд қилиб қўйгани, борасида деганларини изоҳлаб ўтди.
"Моуриньо бизнинг жамоага шунчалик ишонч билдираётган экан, очиғи, бундан жуда мамнунман ва унга ташаккур билдираман. Бироқ ярим финалга чиққан барча клубларда имконият бир хил.
"Челси" — Европанинг энг яхши клубларидан бири, жамоа таркибида ажойиб футболчилар жам бўлишган. "Челси" чемпионлар Лигасида доим кўтаринки ўйин кўрсатади ва бир неча марта ўз классини намойиш этган.
Финалга чиқишимиз учун ўзимизни яна бир бор кўрсатишимизга тўғри келади. Ярим финалда ҳеч қачон оддий рақиб бўлмайди", — дея Гвардиола сўзларидан иқтибос келтирмоқда ESPN.
Эслатиб ўтамиз, "Барселона" ва "Челси" ўртасидаги учрашувларнинг дастлабкиси 18 апрелда Лондонда ўтса, жавоб учрашуви 24 апрель куни "Камп Ноу"да бўлади. Ҳар иккала ўйин Тошкент вақти билан 23:45 да бошланади.