Суперлига янги мавсумига Туркияда тайёргарлик кўраётган «Динамо» жамоаси йиғин доирасидаги иккинчи учрашувида майдонга тушди.

Бу сафарги ўртоқлик ўйинида Самарқанд клуби Руминиянинг «Чиксереда» жамоасига қарши саф тортди. Учрашувнинг 25-дақиқасида Темур Исмоилов ҳисобни очди – 1:0.

Иккинчи бўлимда эса бош мураббий Предраг Роган таркибда бир қатор ўзгаришлар қўл урди. Ўйиннинг 55-дақиқасига келиб Руминия клуби ҳисобни тенглаштирди – 1:1. Учрашув шу ҳисобда якунланди.

Ўртоқлик учрашуви. Туркия, Сиде.
10 февраль (пайшанба)
«Динамо» - «Чиксереда» (Руминия) - 1:1 (1:0)
Голлар: Темур Исмоилов, 25 – 55.
«Динамо» (1-тайм): Милое Прекович, Жўрабек Маннонов, Михайло Йованович, Сайдулло Раҳматов, Шокир Йўлдошев, Музаффар Музаффаров, Евгений Чумак, Темур Исмоилов, Ойбек Нурматов, Шоҳмалик Комилов, Саҳоб Рашидов.