"Челси" ярим ҳимоячиси Матео Ковачич клублар ўртасидаги жаҳон чемпионатининг бўлажак финал учрашуви ҳақида гапирди. Ҳал қилувчи баҳсда “аристократлар” Бразилиянинг “Палмейрас” жамоаси билан куч синашади.
“Биз қаттиқ ишлашимиз керак, чунки майдоннинг нариги томонида кучли рақиб бўлади. “Палмейрас” — ажойиб мухлисларга эга тажовузкор жамоа.
"Челси" ўйинга тўлиқ тайёр, биз кубокни ютиш ниятидамиз. Биз финалда ўйнаганимиздан жуда хурсандман ва ғалаба қозониш учун бор кучимизни ишга соламиз”, - дейди хорватиялик футболчи.
Турнирнинг финал ўйини 12 феврал, шанба куни бўлиб ўтади.
