Англия терма жамоаси ва “Вест Хэм” ярим ҳимоячиси Деклан Райс АПЛнинг бир қанча топ-клубларининг қизиқишлари ҳақидаги хабарларга муносабат билдирди. ОАВда футболчи учун “Манчестер Юнайтед”, “Манчестер Сити” ва Лондоннинг “Челси” клублари кураш олиб боришаётгани ҳақида хабарлар тарқалганди.
“Мен ҳақимда ҳар доим янги миш-мишлар юради. Агар сиз яхши ўйнасангиз, топ-клублар сизнинг атрофингизда айлана бошлайди. Лекин аниқ таклиф тушмагунча бунга эътибор бермайман. Мен учун бу шунчаки шов-шув. Ҳозирда бор эътиборимни “Вест Хэм” қаратишим керак", - дея фикр билдиради футболчи.
Декланнинг "болғачилар" билан шартномаси 2024 йилнинг ёзига қадар тузилган. Унинг трансфер нархи 75 миллион еврога баҳоланмоқда.
