«Атлетико» устози Диего Симеоне жамоа ярим ҳимоячиси Жоау Феликснинг муваффақиятсизликни сабабини билсада, айта олмаслиги ҳақидаги фикрига муносабат билдирди.

Португалиялик футболчи аввалроқ жамоа ичида нималар рўй бераётганини барча билишини, лекин буларни айтиш ниятида эмаслигини айтганди.

«Агар муаммо нимада эканлигини у биладиган бўлса, биз ҳам билсак ёмон бўлмасди.

Ундан сўраш имконингиз бўлса, албатта сўранг. Шубҳасиз, мен жамоа билан шунга яраша ишлайман, агар у муаммо нимада кўрса ва тушунса, буни биз ҳам билсак яхши бўларди.

Сўрангчи ундан, нима учун жавоб беришдан қочди? Гап нима ҳақидалигини биз биламиз ва мен бу ҳақда бошқа гапирмайман. Мен журналистлар излаётган нарсани бир қисми бўлишни хоҳламайман. Уни ўзидан сўранг», – деди Симеоне.