Хабарингиз бор, кеча Ўзбекистон Суперлигасининг янги мавсуми учун қуръа ташланди. Унга кўра “аждарлар” 1-турда Наманганда “Навбаҳор” жамоаси меҳмони бўладиган бўлди. Жамоа етакчиларидан бири Акмал Мозговой қуръа натижаси ҳақида ўз фикрини билдирди.
- “Ўйлашимча янги футбол мавсуми олдингиларига қараганда жуда қизиқ бўлади. Қуръа натижасига кўра 1-турда “Навбаҳор” жамоаси билан беллашамиз. Наманганда мухлислар билан тўла стадионда футбол ўйнаш қизиқ бўлади. Аслида бизга рақиб кимлигини фарқи йўқ. Олдинги мавсумларда биз катта тажрибага эга бўлдик. Биз ким билан тўқнаш келишдан қатъий назар ўз ўйинимизни намойиш этамиз. Биз ҳар бир беллашувга фақат ғалаба қозониш учун майдонга тушамиз. Чемпионатни ғалаба билан бошлаб, мухлисларимизни хурсанд қиламиз деган умиддаман” -дейди Акмал Мозговой
