Ҳозирги кунда Ўзбекистон футбол ассоциацияси қошида 13 терма жамоа фаолият олиб боради. Ана шу жамоаларнинг мураббийлар штабини шакллантириш, уларнинг иш фаолиятини тўғри ва самарали ташкил этиш, натижаларни таҳлил этиб бориш муҳим аҳамият касб этади. Тошкент шаҳридаги “Футбол бўйича Республика олий спорт маҳорат ўқув-машғулот базаси”да ЎФА биринчи вице-президенти Равшан Эрматов ва ассоциация бўлинма раҳбарлари, Туризм ва спорт вазирлиги масъуллари, “Чиғатой” базаси вакиллари иштирокида ана шу мавзуга бағишланган йиғилиш ўтказилди.
Унда жамоаларимиздаги мутахассисларнинг кейинги фаолиятида ишни тўғри ва тизимли равишда йўлга қўйиш, мураббийлар ишини мониторинг қилишни кучайтириш масалалари муҳокама этилди. Бу борада 13 та терма жамоа мураббийлар штабининг аксарияти “Футбол бўйича Республика олий спорт маҳорат ўқув-машғулот базаси”да доимий тарзда назоратида бўлиши зарурлиги таъкидланди.