Португалия чемпионати доирасида бўлиб ўтган «Порту» ҳамда «Спортинг» жамоалари ўртасидаги учрашувнинг сўнгги дақиқасида ҳар икки жамоа футболчилари ўртасида жанжал юзага келиб чиқди. Учрашув бош ҳаками жанжалнинг сабабчиларига қизил карточка кўрсатган бўлишига қарамай, шубҳасиз яна давом этаверди.

«Спортинг» клуби ўз сайти орқали расмий мурожаат қолдирди. Унда ёзилишича, клуб президенти Фредерико Варандаш рақиб раҳбариятининг уч нафари томонидан оғзаки ва жисмоний тажовузга учраган: булар - «Порту» вице-президенти Витор Байа, мураббийи Сержиу Консейсау ва матбуот котиби Руй Серкейра.

Қайд этилишича, "Порту" матбуот котиби Руй Серкейра Варандашнинг қўлидан мобил телефонини, шунингдек, бир қатор ҳужжатларни ва кредит картасини тортиб олган. Шундан сўнг Руй қочиб кетди ва "Спортинг" президентининг йўқолган нарсалари топилмади.

«Спортинг» раҳбария Серкейра, Байа ва Консейсаулар устидан шикоят қилиб, уларни рецидивистлар деб атади.

«Улар узоқ вақтдан бери журналистлар, мухлислар ва рақибларни қўрқитиб келишади. Буни ҳамма билади», - дейилади баёнотда.