"Лестер" ярим ҳимоячиси Юри Тилеманс жамоа тарафидан таклиф қилинган янги шартномани рад қилгач, АПЛнинг бир қатор гранд клублари уни ўз сафига қўшиб олиш учун ҳаракатни бошлади.
"The Athletic" нашрининг маълумотига кўра, Тилеманснинг агентлари аллақачон "Арсенал", "Ливерпуль" ва "Манчестер Юнайтед"дан қизиқиш борлигини футболчига етказишган. У яқин орада келажаги борасида бир қарорга келиши кутилмоқда.
Эслатиб ўтамиз, 24 ёшли бельгиялик футболчининг "тулкилар" билан амалдаги шартномаси 2023 йилда якунига етади. У жорий мавсум Англия чемпионатининг 26 ўйинида майдонга тушиб, 5 гол ва 3 голли узатмани амалга оширди.
