«Тоттенхэм» бош мураббийи Антонио Конте АПЛнинг 25-тур доирасида «Вулверхэмптон» (0:2) жамоасидан қабул қилиб олинган мағлубият ҳақида фикр билдирди.

«Жуда қийин ўйин бўлди. Биз кўплаб вазиятлар яратдик, тўпни назорат қилдик, лекин ўйинни нега бундай бошлаганимизни тушунтириб бериш қийин. Ўтказиб юборилган иккита голга фикр билдириш осон эмас.

Жуда кўплаб голли вазиятлар яратдик, аммо якунда навбатдаги мағлубиятни қабул қилиб олдик. Осон бўлмаслигини тушунган ҳолда ишлашда давом этишимиз керак.

Катта ҳажмдаги ишларни амалга оширишимиз керак, лекин бу осон бўлмайди, чунки, одамлар ЕЧЛ ва ЕЛда ўйнашимизга ўрганиб қолишган. Бироқ, ҳозир бир нималарни ўзгартирганимизни тушуниш керак ва янгидан қуришга ҳаракат қилишимиз керак.

Ўз майдонингда икки марта мағлубиятга учрагандан ва ундан олдин "Челси"га ютқазгандан кейин ЕЧЛ ҳақида ўйлашни иложи йўқ», – деди Конте.