«Ливерпул»нинг собиқ ярим ҳимоячиси Дэнни Мерфи «Манчестер Юнайтед»нинг «Саутгемптон»га қарши ўйини ҳақида гапирди. Учрашув дуранг билан якунланган - 1:1.
Мерфининг фикрича, «Манчестер Юнайтед»нинг ҳозирги бош мураббийи Ральф Рангник ўз ишини оқилона бажармаяпти.
«Манчестер Юнайтед»нинг тактик режаси заифлашди. Жамоа тўпсиз нима қилишни билмайди. Ҳужумда тўп йўқолганда ҳужумчилар ортга қайтишмаяпти. Бироқ бу деярли ҳар бир ўйинчининг асосий вазифаси бўлиши керак.
«Манчестер Юнайтед»нинг муаммоси шундаки, бу ерда ҳеч нарса ўзгармайди, фақат ёмонлашмоқда», - дейди Мерфи.
