“Милан” ҳимоячиси Алессио Романьоли “Лацио”дан таклиф олди. Рим клуби футболчига йилига 3 миллион евро тўлашга тайёр, деб хабар беради "Correira Dello Sport".
27 ёшли футболчининг ўзи фаолиятини Римда давом эттиришни маъқул деб ҳисоблайди, чунки у болалигида "Лацио"га мухлислик қилган. Аммо ҳимоячининг агенти Мино Райола футболчини "Ювентус"га олиб ўтмоқчи. Чунки улар молиявий жиҳатдан фойдали шартнома таклиф қилишга тайёр.
Романьоли 2021/22 йилги мавсумда "Милан" сафида 21 та ўйинда майдонга тушиб, 1 та гол ва 1 та голли узатмага муаллифлик қилган. Футболчининг "россонерилар" билан амалдаги шартномаси 2022 йилнинг июнь ойи охиригача амал қилади.
