Чемпионлар лигаси финалига чиққан клублар ўз мухлислари учун 5000 та бепул чипталарга эга бўлишади. Бу ҳақда УЕФА президенти Александр Чефериннинг сўзларига таяниб, The Athletic хабар берди. Унга кўра, шу тариқа клублар коронавирус пандемияси даврида Европа футболини қўллаб-қувватлаганликлари учун мукофотланади.
Эслатиб ўтамиз, Чемпионлар лигасининг бу йилги финалида Санкт-Петербург ўз майдонида бўлади. Кубок учун ўйин 28 май куни бўлиб ўтади.
“Челси” Чемпионлар лигаси кубогининг амалдаги соҳиби ҳисобланади. Лондонликлар ўтган йили финалда “Манчестер Сити”ни 1:0 ҳисобида мағлуб этганди.
