«ПСЖ» бошқарувчиси Маурисио Почеттино ҳужумчиси Неймарнинг «Реал»га қарши баҳсда майдонга тушадими деган саволга жавоб беришни истамади.

«Мен Неймар эртага ўйнайдими ёки йўқми, 90 дақиқа ёки ундан камроқ вақт ўйнаши ҳақида бир қарорга келдим. Аммо ҳозирча мен ҳеч нарса демайман», - дея Почеттинонинг сўзларини келтирган журналист Адриан Гренье.

Эслатиб ўтамиз, Неймар ноябр ойидан бери жароҳати туфайли майдонга тушмаяпди. Жорий мавсумда ҳужумчи барча турнирларда 14 та ўйин ўтказиб, 3 та гол ва 3 та голли узатмани амалга оширди.

15-феврал, сешанба куни Чемпионлар лигасининг 1/8 финалидан ўрин олган “ПСЖ” – “Реал” учрашуви бўлиб ўтади.