Хабарингиз бор, сўнгги йилларда футбол мутахассисларини тайёрлаш, қайта тайёрлаш, малакасини ошириш, илмий-методик ва инновацион технологияларни жорий этиш орқали футбол соҳасида етук ва чуқур билимга эга кадрлар тайёрлаш бўйича қатор ишлар олиб борилмоқда. Халқаро талаб ва стандартлар асосида футбол бўйича мутахассисларни тайёрлаш мақсадида ЎФА қошида Футбол мутахассисларини тайёрлаш маркази (ФМТМ) фаолият кўрсатмоқда.
Бугун мазкур марказда ҳудудлардаги футбол ассоциацияларининг медиа ва маркетинг йўналиши бўйича мутахассислари учун икки кунлик семинар бошланди.
Семинарнинг дастлабки кунида “Замонавий футболда маркетингни ўрни” мавзусида дарслар ташкил этилди. Унда спорт маркетинги стратегиялари, халқаро “кейс”лар ва рекламалар билан ишлаш мавзусида тушунчалар берилди.
