"Лестер" устози Бренден Рожерс жамоа футболчиси Юри Тилеманснинг шартномаси ҳақида фикр билдирди. Мутахассис шундай дейди:
"Аввало, футболчи ҳали ҳеч қандай шартномани инкор қилмади. Мен у билан гаплашиб олишим керак. Бир нарса аниқки, Тилеманс бу ердаги сўнгги кунига қадар жамоа учун юз фоиз ҳаракат қилади. У фантастик футболчи ва унга муносабатим ҳар қандай вазиятда ўзгармайди. Юри топ-профессионалдир. Унинг ҳаракатлари буни яққол исбот этади".
Эслатиб ўтамиз, Тилеманснинг амалдаги битими 2023 йилга қадар мўлжалланган. Унинг атрофида жамоадан кетиши билан боғлиқ хабарлар айланиб юрибди.
