"Lester" ustozi Brenden Rojers jamoa futbolchisi Yuri Tilemansning shartnomasi haqida fikr bildirdi. Mutaxassis shunday deydi:
"Avvalo, futbolchi hali hech qanday shartnomani inkor qilmadi. Men u bilan gaplashib olishim kerak. Bir narsa aniqki, Tilemans bu yerdagi so‘nggi kuniga qadar jamoa uchun yuz foiz harakat qiladi. U fantastik futbolchi va unga munosabatim har qanday vaziyatda o‘zgarmaydi. Yuri top-professionaldir. Uning harakatlari buni yaqqol isbot etadi".
Eslatib o‘tamiz, Tilemansning amaldagi bitimi 2023 yilga qadar mo‘ljallangan. Uning atrofida jamoadan ketishi bilan bog‘liq xabarlar aylanib yuribdi.
